Olo Genesis Translation

Genesis Sapta 1

GENESIS

Wem Ma /// linu laltei tef lire teplaL

1 Sungoi, wem Ma Hi linu laptei men nange piti tef le piti yuwei.

2 Tef, tipe loli nele luwo keraisi, men re ratei kolo olo. Munkunum
tur oli, le Nempi liti Ma Hi luwo linge tipe yuwei. 3 Ma Hi lirpei, "lef
fale". Leye lo ief fale. 4 Ma Hi luluwo ief teingi, leye lo le esi lalpo ief
tanio munkunum. 5 Ma Hi lunguna ief "epli" le munkunum lepe le
lunguna "mulpou". Mtilpou le le le if-ili, epli linu lire eti kera. 6-

7 Ma Hi lirpei, tipe ile kere le laitei yuwei tani tipe liti lifei tef. Leye lo
le kari tipe ile laltei laitei yuwei le ile lifei tef. 8 Ma Hi linawo nimin
liti tipe tire noute lepe "teplai". Mulpou le le le if ili, epli lire eti oli.
9 Ma Hi lirpei, tipe liti lifei tef lepe lau launge nele lifei tulum
nelyeye, le tef punko fale. Pepei faleye. 10 Le lunguna tef punko lepe
"teP le tipe launge nele lifei lepe le lunguna "peryai*' Le Ma Hi
luluwepe teingipe. 11 Leye lo Ma Hi lirpei le tef lilape wolo, nimpe re
foiye, wolo, foiye le nimpe kumpu kumpu pepe pilape fouri kumpu
kumpu le nimpe lipi lipi pepe pilape fouri lipi lipi, wai lelpe lelpe.
Pepei faleye. 12 Tef lilape wolo, nimpe re foiye, kumpu kumpu pepe
pilape fouri pelpe kumpu kumpu le lipi lipi pepe yo, pilape pelpe lipi
lipi, wai lelpe lelpe. Le Ma Ili luluwepe teingipe. 13 Mulpou le le le if
ili, epli lire eti nimin. 14 Leye lo Ma Ili lirpei le eringi ief fale lingene
teplai yuwei, kari epli lire mulpou le piti kusauku wem liti epli le nef
le eringi olpe pa le yeflipe fale. 15 Pe ma pini pinge teplai nainu tef, le
fei pepei faleye. 16 Ma Hi lautetei ief lingi twinges, epli piti lini wem
piti epli le ane piti lini wem piti mulpou. Le tauru re le laptei. 17 Le
laptei pultei teplai piti nainu tef, 18 piti poli epli le piti poli mulpou le
piti kari ief lire munkunum. Le Ma Ili luluwepe le onom teingine
lasiepe. 19 Mulpou le le le if ili, epli fei lepei lire eti tupu. 20 Leye lo
Ma Hi lirpei le ningu men nange piti pratetei tipe fale pratei pinge
tipe le naflepem piti yuwei fale peifalele pinge teplai yuwei. 21 Fei
Ma Ili laptei ningu lipi lipi piti peryai le men nange wuso pratetei re
puroro pinge tipe, laptei fi fi, wai lelpe lelpe, le naflepem piti
peifalele, pina wai lelpe lelpe. Le Ma Ili luluwepe le le onom teingine
lasiepe. 22 Ma Ili kani onom lantepe le le lirpepe ningu re men
nange piti pratei tipe ma paploupe eple fale pire wuru, pire peryai

2 Genesis Sapta 1

poparu le naflepem re ma paploupe eple fale wuru. 23 Mulpou le le le
if ili, epli lire eti numpou. 24 Leye lo Ma Hi lirpei le siye men nange
fale pratei tef, laptei fi fi, wai lelpe lelpe, pelem songou, tutungu men
nange piti pununwei pinge tef le siye piti towa yauwi, laptei fi fi, wai
lelpe lelpe. Fei pepei faleye. 25 Ma Ili laptei siye piti towa yauwi pina
wai lelpe lelpe, pelem songou pina wai lelpe lelpe, le tutungu men
nange piti pununwei pinge tef pina wai lelpe lelpe. Le Ma Ili lulwepe
pe teingipe. 26 Leye lo Ma Ili lirpei le mete fale watafei le lotei le pe
ma puntoluwepe ningu, naflepem, pelem songou le siye piti towa
yauwi, tef towa le tutungu re men nange piti pununwei pinge tef.
27 Liso Ma Ili laptei mete watafei le lotei, le laptei pinio le loteiye,
laltei metine, lantei moto. 28 Ma Ili kani onom lantepe le le lirpepe
ma pilape eple kere wuru, penglei tef poparu le pe ma puntoluwo tef
towa, ningu piti tipe, naflepem, pelem songou, siye piti towa yauwi re
tutungu men nange piti pratetei pinge tef. 29 Leye lo Ma Ili lirpeiye
"Ise ma yaplei oweli piti poli pinge tef le piti poli pinge yuwei.'' 30 Le
siye piti towa yauwi pepe pire naflepem. Ma Ili watepe wolo pire
nimpe tuwo piti paplei. Le fei pepei faleye. 31 Ma Ili luluwepe men
nange fei laptei olo teingipetei, le le onom teingine lasiepe. Mulpou le
le le if ili, epli fei lepei lire eti kera piti esi plen.

2 Tef lire teplai re men nange so oli fei, yalipeye. 2 Epli lire eti one
piti esi plen fei pepei, Ma Ili lesio towa lele yali, leye lo epli wem fei
lepei le lifowo towa wuso lesio lepe. 3 Ma Ili esi lalpo epli fei lire eti
one piti esi plen lepe, le wem ili wusoli epli wem fei lepe. Ma Ili laltei
tef lire teplai re men nange oloye, lesio towa yaliye. 4 Le Ma Ili laltei
tef lire teplai re men nange so lolpepe.

Wem Ma Ili laltei tef lire teplai re men nange,

Ma Ili lamtei metine wape lire moto pele roum ratei liyom Iden

5 nimpe natungo re wolo wala fale kolo, olo wusoli Ma Ili wala
lantei nef kolo le metine piti lale lapiri re olo. 6 Wolo tipe falele tef
leinginim lau so ma linge yuwei le kaltetei tef. 7 Ma Ili kali tef liri
lesio metine wape le le lutupa nempi lalfowo metine wape lepe mi
nopungo, leye lo metine wape lepe leifale. 8 Leye lo Ma Ili lapiri liyom
lato Iden, lapiri laitei le liti epli fale, le lepe Ma Ili laltei metine wape
wuso lire tef lesio lepe, nange lele Adam, le laltei ratei liyom fei lepe.

Genesis Sapta 2

9 Ma Hi laptei nimpe eryai, te-teingipe, fale pile liyom fei lepe
le pe pilape fouri te-teingipe. Nimpe noute twinges tile liyom nimin,
fouri piti nimpe nele lepe wuso pe palei pe ma pratei pingi wem
wem, ma pa kolo olo, le fouri piti nele lepe wem palei pe ma enke
kere, pretai men men teingipe le men men olpe. 10 Wof nele fale
linge liyom Iden so le, le le yo weitei rapupe angoleingi twinges te
twinges. 11-12 Nange liti wof eti linu lepe pinawo Pison, le lantu
leinenei linge tef liti Afila, (Gol teinginetei ratei tef fei lepe, le nimpe
fai wopu pire era teingipitei piti pire yini pepe re, pratei.) 13 Wof eti

Genesis Sapta 2

nele lire eti oli lepei pinawo Kion, le leinenei lantu linge tef liti Kus.
14 Wof eti nele lire eti nimin lepei pinawo Taikris, le lantu plen liti
epli fale, tef liti Asiria, le wof eti lire eti tupu lepei lepe pinawo
Yufreites. 15 Leye lo Ma Hi laltei metine ratei liyom Iden piti ma
lapiri re luntoluwo liyom. 16 Le lirpowo metine lepeye, "Ye miso aplei
nimpe fouri eryai, 17 le nimpe fouri piti onom kere le ye retape men
men teingipe le men men olpe, ye ma alei pato. Wusoli wem ye alei,
ye ma a." 18 Ma Hi lirpeiye, "Metine loteteiye ratei olo loporo kolo olo.
Ki ma kaltei men teingi soma kanio." 19 Liso Ma Hi kali tef liri laptei
siye pire naflepem. Leye lo le kapi lilape le watowo metine wape lepe,
luluwo piti ma metine lepe watepe siye pire naflepem nange, le
nange men le laptepe, nange pelpe min so pepeye.

20 Fei, metine wape lepe watepe naflepem pire siye nange, fra
yo yalipeye, wolo nele lelpe re teingi loporo piti ma kanio re kolo olo.
21 Leye lo Ma Hi moingi tario metine wape lepe letei lironomtei le
wem le wala letei, Ma Hi kesi emiyo liti lapi piti metine wape lepe re
le, le so nou topo nesi pam wuso kesi emiyo lepe, 22 Le lire emiyo liti
lapi lesiene moto wape le le lilane le lantowo metine wape lepe.
23 Liso Adam (nange liti metine wape lepei, Adam) le lirpeiye,
"Nepei ne watafei ki kutei, kesi emiyo liti emiyo leiki le tale liti tale
leiki. Ne ma kinane moto wusoli ne ilene piti metine." 24 Fei polpepe,
metine ma lusame nimou re yaitei le le ma lirine moto roum
maiteneme. 25 Metine wape lepe lire moto pele olo roum pal yaume,
me roxma topo tapune kolo olo.

Tutu lempesine Iv nalei nimpe fouri

3 Fei le tutu olo longo tipe oli, lile niminye Hie, lini siye nemple
wuso Ma Hi laptei pepe kolo olo. Le lenetei moto wapeye, "Ko Ma Hi
lirpeiye punkomtei, ma aplei fouri piti nimpe eryai pile liyom pepe
kolo lom?"

2 "Ku miso waplei fouri piti nimpe eryai pile liyom pepe."
Motowape nepe namti nirpowoye. 3 "Le Ma Hi lirpouku fei lire fouri
piti nimpe min fei lile liyom nimin lepe, ma walei kolo olo, wo wesio
yauwi re olo, wuso wolpepe, ku ma wa."

4 "Fei pepe olo punkom kolo olo, ye miso a kolo." tutu lirpene
motowape nepe. 5 "Wusoli Ma Hi retai wem ye alei nimpe fouri lepe.

Genesis Sapta 3 5

lus peiye ma penfaro le ye ma watafei Ma Hi lotei, retape men men
teingipe le men men olpe."

6 Motowape nepe nuluwo nimpe lepe olo teingitei le fouri lele
re wuso ne nalei, miso teingi. Le ne onposi wuso ne retape men
nange noporotei, fei polpepe miso teingipetei. Ne so kari fouri liti
nimpe fei lepe, nalei ile le ne nila ile ne watowo munge, le le re
laleiye. 7 Roum malei re fei, lus pelme kere frou yo fei, roum retai me
motei pal yaumeye, me so roum meptalo ifau tuo mopopo motei.

8 Ningli lepe, roum mingitowo Ma Hi linge liyom le, le me
roum kotire minge nimpe piti liyom. 9 Wolo Ma IK linawo metineye,
"Adam-o, Ye ato linei?"

10 Metine lepe namti lirpeiye, "Ki kingiteiye inge liyom, le ki
olo turiki wusoli ki olo pau yauwi, ki so kotire."

11 Le Ma Hi lelteiye, "Minemple pirpeiye pirpolo 'y^ pau yawi?'
Le ye alei nimpe fouri wuso ki kirpeiye ma alei kolo, le ye alei lo olo?"

12 Metine lepe namti lirpowo Ma Ili-ye, "Moto, ye antei nireiki
ratei lepei lepe, ne waiki niinpe fouri ile le ki kaleiye."

13 Ma Hi lentei moto wape nepeye, "Piti men so ye fei olpepei?"
Ne namti nirpeiye, "Tutu lempeteiki, ki so kalei."

14 Leye lo Ma Hi lirpowo tutuye, "Siye wuru pepe olo, ye
yoteteiye ma irim olpe ile, ye ma ununwei ire yofu le ye ma wem oli
oli alei nief 15 Ki ma keiteiye ire motowape roum yura neme, eple
pene pire eple peiye ma wem oli oli pire nemple eringi. Eple pene ma
palwewe falo leiye le ye eple peiye ma papwe ire asingu pelpe."

16 Le Ma Hi lirpene motowapeye, "Ki ma keila moingi liti wem
ye yofu le wem ye ilape eple, flis ili ma faleye. Ye ma onom kerowo
munge leiye le le ma luntoliye."

17 Le Adam lepe Ma Ili lirpowoye, "Ye aptene moto peiye
mingim le ye alei nimpe fouri wuso ki kirpeiye ma alei pato. Le ye fei
olpepei, tef ma oli, teingi kolo olo. Ye ma fanke, opinge lenke ire nele
soma oweli fale, ye kapi aplei wem oli oli. 18 Tef ma lilape wolo re
foiye singu le ye ma aplei oweli piti towa yauwi. 19 Ye ma esio towa
irkilau, lenke kari elyo soma oweli fale pile, ye kapi aplei, e e ma
wem ye a, ma nou e tef, wusoli kire tef kesiye le ye ma nou e tef."

20 Leye lo Adam linane moto pele nepe Iv, wusoli ne ma fale
nire wautei piti naptei mete walem. 21 Ma Ili lire siye topungou
lengleleipe ranguwom so wateme Adam lire Iv roum mapiri.

22 Le Ma Ili lirpeiye, "Metine wape fei fale watafei ki, retape
men men teingipe le men men olpe. Le ki ma kusa lalei nimpe fouri

Genesis Sapta 3

liti palei le pe pratei wem wem lepe kolo olo, woso le lalei ma ratei
lingi wem wem." 23 Liso Ma Hi laisi Adam tani liyom Iden piti ma
Adam lalolowi tef lapiri oweli wusoli tef lotei so Adam fale lire
metine wape. 24 Leye lo liyom Iden plen le liti epli fale lepe Ma Hi
laptei ririm pele piti rouri tisi, le ila nele weli loluwo lolpepe, weitetei
leye lauye, ratei fei lepe. Fei pepei pratei tisi karipe minemple re ma
pe piri nimpe liti palei le pe ma pratei pingi wem wem lepe malfem
kolo olo.

Published 1989

Printed by the S.I.L Printing Department
Ukarumpa, E.H.P. Papua New Guinea

ISBN 0-86893-253-1